“Seawice Giant” tankerinin uzunluğu 458, eni isə 69 metrdir

Gəmiçiliyin tarixi qədim Misirdə başlayaraq inkişaf edib və günümüzə qədər gəlib çıxıb.

Qədim və Orta əsrlərdə istifadə olunan avarlı gəmilər elm və texnologiyanın inkişafı ilə əlaqədar olaraq həcmi və sürəti ilə çox fərqlənir. Dövrümüzdə gəmilər yalnız sərnişin və yükləri deyil, eyni zamanda neft-qazı da daşıyır ki, bunun üçün də xüsusi gəmi-tankerlər istehsal olunur.

Tanker istehsalında bu günə kimi “Seawice Giant” kimi supertanker olmayıb. Hazırda o dünyanın ən böyük neft daşıyan tankeri hesab edilir.

Tankerin uzunluğu 458, eni isə 69 metrdir. Yüksüz vəziyyətdə onun ağırlığı 82 min tondur, 575 min ton yükdaşıma imkanına malikdir və tam olaraq dolu vəziyyətdə ağırlığı 657 min tondur.

“Seawice Giant” tankeri 1979-cu ildə Yaponiyada istehsal olunub və mühərrikinin həcmi 50 min at gücündədir. Tankerin yanacaq çənləri 16 500 ton mazut tutur və daxili generatorların çalışması üçün isə əlavə 800 tonluq dizel çənləri var.

Açıq dənizdə hərəkət edərkən bu tanker günə 200 ton yanacaq sərf edir və maksimim 30,6 kilometr/saat sürətlə hərəkət edə bilir.