Səhrada aşkarlanan tapıntı hər kəsi heyrətləndirdi | Elə şey aşkarlandı ki...

Peruda bir qrup paleontoloq yaşı 10-12 milyon il aralığında olan qədim duzlu su timsahının fosilini aşkar ediblər. Fosil qalıqları Limadan təxminən 350 kilometr cənubda yerləşən Okukaxe səhrasında tapılıb.

Aşkar edilən nümunə təxminən üç metr uzunluğunda olan balıqyeyən timsah növünə aiddir. Onu müasir timsahlardan fərqləndirən əlamətlərdən biri burnunun uzunsov olmasıdır.

Mütəxəssislər qalıqların, o cümlədən kəllə və çənələrin əsaslı şəkildə yenidən qurulmasını həyata keçiriblər ki, bu da onlara nümunənin əsas morfoloji xüsusiyyətlərini müəyyən etməyə imkan verib.

Elm adamlarının sözlərinə görə, bu kəşf o dövrün bioloji müxtəlifliyini daha dərindən öyrənməyə köməklik göstərəcək. Həmçinin bölgənin paleontoloji tədqiqatlar üçün əhəmiyyətini artıracaq.

Qeyd edək ki, Okukaxe səhrası 5-23 milyon il əvvələ aid kiçik balinalar, delfinlər və köpəkbalıqlarının qalıqları da daxil olmaqla zəngin fosil tapıntıları ilə tanınır.