Səmanın sehrli illüziyasının yaranma prosesi | Göy qurşağını görmək üçün nə etməliyik?

Göy qurşağı demək olar ki, hər kəsin şahidi olduğu, təbiətin ən gözəl hadisələrindən biridir. Lakin bir çoxları onun necə yarandığını tam anlamır.

Əslində, göy qurşağının yaranması üçün xüsusi və nadir şərait tələb olunmur.

Elm adamlarının sözlərinə görə, göy qurşağı fiziki bir obyekt və ya atmosfer hadisəsi deyil, optik illüziyadır. Yəni, göy qurşağı əslində "mövcud" deyil, biz onu yalnız Günəş işığının yağış damcıları ilə dolu atmosferdəki mürəkkəb oyununu müşahidə edərkən görürük.

Göy qurşağını görmək üçün düzgün mövqe tutmaq lazımdır: işıq mənbəyi arxanızda olmalı, qarşınızda isə yağış damcıları, duman və ya su axını kimi rütubətli hava olmalıdır. Bu zaman işığın su damcılarından keçərək qırılması və əks olunması nəticəsində göy qurşağını müşahidə etmək mümkündür.

Göy qurşağının yaranma səbəbi işıq şüalarının bir mühitdən digərinə keçərkən qırılması və dağılmasıdır. Bu proses damcıların içərisində bir neçə dəfə baş verir və hər damcı göy qurşağının özünəməxsus kiçik bir hissəsini yaradır.

Əslində, göy qurşağı tam dairə formasındadır, lakin müşahidəçinin yer səviyyəsində olması səbəbindən onun yalnız yuxarı yarısı görünür. Əgər bu hadisə yüksək nöqtədən, məsələn, təyyarədən müşahidə olunarsa, tam dairəvi göy qurşağını görmək mümkündür.