Serbiyada deputatların etiraz aksiyasının səbəbi | Spiker su ilə isladıldı

Serbiya parlamentində etiraz aksiyası keçirilib.

Müxalifət nümayəndələri fişənglər yandırıb və spiker Ana Brnabiçi su ilə isladıblar. Bu azmış kimi zala tüstü bombaları da atılıb.

Xarici medianın məlumatına görə, insident yeni qanunların müzakirəsi zamanı başlayıb. Müxalif deputatlar ölkədə kütləvi etirazların davam etdiyi bir müddətdə debat aparmağın mümkün olmadığını deyiblər. Xaosa baxmayaraq, hakim koalisiyadan olan deputatlar sessiyanı davam etdiriblər.

Parlamentin spikeri Ana Brnabiç 3 deputatın yaralandığını, lakin iş fəaliyyətinin dayandırılmayacağını açıqlayıb.

Xatırladaq ki, noyabr ayında Novi Sad dəmiryolu vağzalında baş verən insident nəticəsində 15 nəfər həlak olub. Bu hadisədən sonra ölkədə kütləvi etirazlara start verilib. Artıq 3 aydır ki, iğtişaşlar davam edir.