Serenay Sarıkaya Mert Demirlə münasibəti barədə həqiqəti açıqladı

Türkiyədə seriallara aktyor təmin edən agentlik sahibi, menecer Ayşe Barıma qarşı aparılan istintaq çərçivəsində dindirilən aktrisa Serenay Sarıkayanın verdiyi izahat üzə çıxıb.

Aktrisa müğənni Mert Demirlə reklam üçün yox, öz istəyi ilə sevgili olduğunu bildirib:

“Ayşe Barım tərəfindən hər hansı təzyiq və ya təhdidlərə məruz qalmamışam. Mert Demirlə münasibətimiz 1 il yarım davam etdi. Ayşe Barım bu münasibətlə bağlı heç bir təklif və ya göstəriş verməyib. Heç kimdən pul almamışam, yalandır. Bank hesablarımı yoxlaya bilərsiniz”.

Qeyd edək ki, Fuat Uğurun “TV100”də yazdığı məqalədən sonra Türkiyənin kino və serial sektorunda təlatüm yaşanıb. Uğurun yazısında menecerlik şirkətinin “inhisarlaşma” səyləri ilə yanaşı, Serenay Sarıkaya ilə Mert Demir arasındakı münasibətlə bağlı “5 milyon dollar qarşılığında reklam əlaqəsi” ifadəsi də yer alıb. Rəqabət Şurası bəzi idarə şirkətləri, xüsusilə də Ayşe Barımın sahibi olduğu və sektorda bir çox məşhur adı təmsil edən “ID İletişim” şirkəti haqqında araşdırma başladıb.