Silahlı insidentin görünməyən qəhrəmanı

Avstraliyanın paytaxtı Sidneydə baş verən atışma onlarla insanın həyatına son qoyub. Lakin bu hekayənin görünməyən bir qəhrəmanı var. Onun adı Əhməd əl-Əhməddir. Suriyalı Əhməd öz canı bahasına silahlılardan birini zərərsizləşdirərək insan itkisinin artmasının qarşısını alıb.

“O, insanların həyatını xilas etmək üçün öz canını təhlükəyə atdı. Onun bu cəsarətli addımı hadisənin daha az insan itkisi ilə başa çatmasına səbəb oldu. Əgər o, hadisə yerində olmasaydı, atışma daha uzun müddət davam edəcəkdi. Onun qorxmazlığı məni valeh etdi”, – Sidney sakini Ceymi Uilliams söyləyib.

Hadisədən sonra Avstraliya xalqı Əhməd üçün ianə toplamağa başlayıb. Hazırda onun hesabında 1 milyon 200 min dollar vəsait var.

Qeyd edək ki, silahlı insident nəticəsində azı 16 nəfər həlak olub, onlarla insan yaralanıb. Bu hadisə Avstraliya tarixində son 30 ildə baş verən ən qanlı olay kimi tarixə düşüb.