Şimali Koreya – Cənubi Koreya arasında gərginlik alovlanır?

Şimali Koreya lideri Kim Çen Inın bacısı və xarici siyasət məsləhətçisi Kim Yo Con Cənubi Koreya Prezidenti Li Ce-Myonqun sülh təşəbbüslərini bir daha rədd edib.

Xarici KİV-in məlumatına görə, o, Pxenyanın Seulu heç vaxt diplomatik tərəfdaş kimi görməyəcəyini bəyan edib.

Bu açıqlama Cənubi Koreya ilə ABŞ-nin birgə hərbi təlimləri fonunda verilib.

Kim Yo Con bu hərbi manevrləri təxribat xarakterli işğal məşqi adlandırıb və Li Ce-Myonqu “ikili xarakterli” olmaqda günahlandırıb. Yəni onun bir tərəfdən sülhdən danışıb, digər tərəfdən hərbi oyunları davam etdirdiyini düşünür.

“Cənubi Koreya Respublikası ciddi, etibarlı və dürüst olmadığına görə Koreya Xalq Demokratik Respublikasının mərkəzində dayanan regional diplomatiyada heç bir rola sahib ola bilməz. Onlar bizim üçün diplomatik tərəfdaş ola bilməz”, ‒ deyə Kim Yo Con bildirib.