Şimali Koreya lideri Kim Çen Indan müharibə anonsu

Koreya Xalq Demokratik Respublikasının lideri Kim Çen In Cənubi Koreyanı əsas düşməni adlandırıb.

Ölkənin müdafiə sənayesi müəssisələrinə səfəri zamanı o, iki ölkə arasında pisləşən münasibətləri “dəyişikliyin yeni mərhələsi” və “qaçılmaz reallıq” kimi qiymətləndirib. Lider çıxışı zamanı yeni elan etdiyi düşmənini təhdid etməyi belə unutmayıb.

Bildirib ki, əgər rəsmi Seul Şimali Koreyaya qarşı silahlı qüvvələrdən istifadə etməyə cəhd edərsə, ölkəsinin suverenliyini və təhlükəsizliyini təhdid edərsə, cənub qonşusunu tamamilə məhv etmək üçün bütün mövcud vasitə və güc arsenalından istifadə edəcək.

Kim Çen In onu da vurğulayıb ki, rəsmi Pxenyan Cənubi Koreya səhvini dərk edənə qədər ona qarşı ədalətli mübarizə prinsiplərinə əsaslanan işlərini davam etdirəcək.