Şimali Koreyadan artilleriya hücumu | Koreya yarımadasında vəziyyət qızışır
Koreya Xalq Demokratik Respublikası yanvarın 5-i səhər saatlarında qərb sahilindən Cənubi Koreya adalarına doğru 200-ə yaxın artilleriya mərmisi atıb.
Rəsmi Seul hərbi təxribatı ehtimalı ilə əlaqədar sərhəd zonada yerləşən Yenpxyendo adasının sakinlərinin dərhal sığınacaqlara təxliyə edilməsinə qərar verib.
Cənubi Koreya Müdafiə Nazirliyinin nümayəndəsi Li Son Cun bildirib ki, Şimali Koreya ordusunun hərbçiləri səhər saat 9-dan 11-ə kimi Yenpxyendo adasının şimalında yerləşən Baengnyeongdo adası və Deunqsan ərazisini 200-ə yaxın artilleriya mərmisi ilə atəşə tutub:
“Hücum nəticəsində vətəndaşlarımız və əsgərlərimiz arasında itki qeydə alınmayıb. Şimali Koreya 23 noyabr 2023-cü il tarixində hərbi sazişin ləğvindən sonra buffer zonasına hücumlarını davam etdirdi. Biz Koreya Xalq Demokratik Respublikasını regionda artan yüksək səviyyəli gərginliyə cavabdeh olduğu üçün rəsmi Pxenyanı bu cür hərəkətləri dərhal dayandırmağa çağırırıq. Hazırda hər şey ordumuzunun nəzarəti altındadır. Biz ABŞ ilə hərbi əməkdaşlığımızı davam etdirəcək və məsələ ilə bağlı müvafiq tədbirlər görəcəyik”.