Şimpanzenin insanlara aid bacarıqları kəşf edildi | Meymunlar qozları görün necə qıra bilir

Oksford Universiteti və Maks Plank Cəmiyyətinin Heyvan Davranışı İnstitutunun alimləri şimpanzelərin öz hərəkətlərini mürəkkəb ardıcıllıqlara salaraq insan davranışlarını xatırladan modellər həyata keçirə bildiklərini müəyyən ediblər.

Tədqiqatın əsasını Qvineyanın Bossu meşəsində illərlə çəkilmiş videoqeydlər təşkil edir. Alimlər primatların yerinə yetirdiyi ən mürəkkəb hərəkətlərdən birinə – daş alətlərlə qozları qırmağa diqqət yetiriblər. Bu proses bir neçə mərhələdən ibarətdir – qozu tutmaq, döyüləcək yerə daşımaq, yerləşdirmək və sonrakı zərbə.

300 qozun emalı ilə bağlı 8 260-dan çox hərəkətin təhlili zamanı məlum olub ki, şimpanzelər öz hərəkətlərinin ayrı-ayrı elementlərini əlaqələndirə bilib. Tədqiqatın mühüm nəticələrindən biri də odur ki, onlar öz hərəkətlərini əvvəldən planlaşdırmağı bacarıblar.

Bu müşahidələr heyvanların koqnitiv bacarıqları haqqında bizim təsəvvürlərimizi sual altına alır və primatların şüurlu düşünmə qabiliyyətinə malik olduğunu göstərir.