Şoyqu Putinin ordu ilə bağlı yeni qərarını açıqladı

Ölkənin təhlükəsizliyinin təmin edilməsi istiqamətində atılan addımlar çərçivəsində Rusiyada Moskva və Leninqrad hərbi dairələri yaradılacaq.

Bu barədə Rusiyanın müdafiə naziri Sergey Şoyqu ölkənin silahlı qüvvələrinin sayının artırılması ilə bağlı keçirilən müşavirədə bildirib:

"Rusiya Federasiyasının Prezidenti Vladimir Putin Silahlı Qüvvələrin sayını 1,5 milyon hərbçiyə qədər artırmaq qərarına gəlib. Dövlətin hərbi təhlükəsizliyini təmin etmək, Rusiya Federasiyasının yeni subyektlərini və kritik obyektlərini qorumaq yalnız silahlı qüvvələrin əsas struktur komponentlərini gücləndirməklə mümkündür. Nəticə etibarı ilə Silahlı Qüvvələrin iki yeni xidmətlərarası strateji ərazi birliyi yaradılır - Moskva və Leninqrad hərbi dairələri".

Nazir əlavə edib ki, hərbi qulluqçuların sayının artırılması silah təchizatı və infrastrukturun inkişafı ilə paralel həyata keçiriləcək.