"Soyuz-5" Karaqandanın Baykonur kosmodromundan orbitə buraxılıb

Rusiyanın "Soyuz-5" orta sinifli raket daşıyıcısı Qazaxıstanın Karaqanda vilayətinin Baykonur kosmodromundan orbitə buraxılıb.

TASS xəbər verir ki, "Roskosmos"un məlumatına görə, bu, yeni nəsil raketin uçuş sınaqları çərçivəsində ilk buraxılışıdır.

"Bu gün xüsusi bir buraxılış – dünyanın ən güclü maye yanacaqlı raket mühərriki ilə işləyən yeni "Soyuz-5" raketinin ilk uçuşu oldu. Raketin işləməsi faydalı yükün xüsusi dəyərini əhəmiyyətli dərəcədə azaldacaq. Bu, kosmik gəmilərin buraxılışlarının iqtisadiyyatına müsbət təsir göstərəcək", – deyə "Roskosmos" rəhbəri Dmitri Bakanov bildirib.

Raket Baykonur Kosmodromundakı 45-ci platformadan buraxılıb. "Soyuz" faydalı yükü 9,5 dəqiqə ərzində suborbital trayektoriyaya yerləşdirilib. Raketin birinci və ikinci mərhələləri normal işləyib və maket Sakit Okeanın əvvəllər gəmiçilik və aviasiya üçün bağlı olan ərazisinə enib.

"Roskosmos" rəhbərinin sözlərinə görə, raketin fərqli xüsusiyyətlərindən biri 17 ton yük daşıma qabiliyyətinə malik olmaqla, yüklərin aşağı Yer orbitinə çatdırılmasında yüksək dəqiqlikdir.

Qeyd edək ki, "Soyuz-5"in buraxılışı əvvəllər 2025-ci ilin sonuna planlaşdırılırdı. Daha sonra həm göyərtədəki sistemlərin, həm də yerüstü avadanlıqların əlavə sınaqdan keçirilməsi üçün buraxılış tarixi dəyişdirildi.

"Soyuz-5" Samarada yerləşən Proqress Raket və Kosmik Mərkəzi tərəfindən hazırlanmış və istehsal edilən orta sinif buraxılış vasitəsidir. O, yuxarı pillələrdən istifadə edənlər də daxil olmaqla, müxtəlif aşağı Yer orbitlərinə pilotsuz kosmik gəmilərin buraxılması üçün nəzərdə tutulub. Bu, ardıcıl düzülüş mərhələlərinə malik iki mərhələli buraxılış vasitəsidir.