Sümük və kəllələrlə dolu "Şeytan qəbiristanlığı" | Sirli ərazidə nə baş verir?

"Şeytan qəbiristanlığı" adlı anomal yer Krasnoyarsk vilayətində, Karımışevo kəndi yaxınlığında yerləşən sirli bir ərazidir.

Tədqiqatçılar bu zonanın yaranmasını 1908-ci ildə düşən Tunqus meteoriti ilə əlaqələndirirlər, lakin ərazi ilə bağlı bütün suallar hələ də cavabsızdır.

Bu yer haqqında ilk məlumatlar 1920-ci illərə aiddir. Şahidlərin dediyinə görə, bu "çılpaq" meşə sahəsində heyvanlar və insanlar izsiz yoxa çıxıb, yer isə daim yanırmış kimi istilik və tüstü verir. Ərazi sümük və kəllələrlə örtülmüş vəziyyətdə olub.

1940-cı ildə bu yerin ilk elmi təsviri aqronom Valentin Salyaqin tərəfindən edilib. Lakin İkinci Dünya müharibəsi başladığı üçün araşdırmalar dayandırılıb. Daha sonra 1980-ci illərdə bu zonaya maraq yenidən artıb və çoxsaylı tədqiqatçı və könüllü əraziyə baş çəkib.

1991-ci ildə "Şeytan qəbiristanlığı" yenidən araşdırılsa da, zonanın sirri hələ də açılmayıb. Burada ağac və kol bitmir, 1 kilometr radiusda isə kompaslar və elektron cihazlar qeyri-adi davranır. Alimlər ərazinin Tunqus meteoriti ilə əlaqəsini araşdırmağa davam edirlər.