Suriyada son vəziyyət | Bu ərazilər müxalifətin əlinə keçdi

Suriya müxalifət qüvvələri “Heyət Təhrir əş-Şam” (HTŞ) qruplaşmasının rəhbərliyi altında İdlibdən Hələbə doğru başladığı əməliyyat nəticəsində şəhərin böyük hissəsinə nəzarəti ələ keçirib.

Bəşər Əsəd rejiminə qarşı olan bu qüvvələr Hələb qalası da daxil olmaqla bir çox strateji məntəqələrdə “Azad Suriya Ordusu”nun bayrağını ucaldıblar.

Bu hadisə müxaliflərin 2016-cı ildə şəhərdən çıxarılmasından sonra ilk dəfə baş verir.Əməliyyat zamanı müxaliflər Hələb Beynəlxalq Hava Limanı da daxil olmaqla bir sıra əraziləri nəzarətə götürüblər.

Digər məlumata görə, üsyançılar İdlib əyalətinin Maraat əl-Numan şəhərini ələ keçirərək bu ərazini nəzarətləri altına alıblar.

Bu arada KİV-də “Heyət Təhrir əş-Şam”ın (HTŞ) lideri Əbu Məhəmməd əl-Culaninin öldürülməsi barədə xəbərlər yayılıb. Qruplaşma isə bu barədə məlumatı nə təsdiq, nə də təkzib edib.