Tehranla Kərəci birləşdirən körpüyə zərbələr endirilib

Rusiya xarici işlər naziri Sergey Lavrovla iranlı həmkarı Abbas Əraqçi arasında telefon danışığı baş tutub.

Telefon danışığı zamanı Yaxın Şərqdəki vəziyyət müzakirə edilib. Bu barədə Rusiya Xarici İşlər Nazirliyi məlumat yayıb.

Qeyd olunur ki, tərəflər regionda baş verən münaqişə, bir sıra ölkələrin gərginliyin azaldılması istiqamətində atdığı addımlar və BMT Təhlükəsizlik Şurasında Hörmüz boğazında gəmiçiliyin təhlükəsizliyinin təmin olunması ilə bağlı aparılan müzakirələr ətrafında fikir mübadiləsi aparıblar.

Nazirlik bildirib ki, danışıqlarda ABŞ və İsrailin İrana qarşı hərəkətlərinin nəticələrinin aradan qaldırılması məsələlərinə də toxunulub.

Bu arada, ABŞ və İsrail qüvvələri İranın Kərəc şəhərində tikilməkdə olan iri körpüyə iki dəfə zərbə endirib. Tehranla Kərəci birləşdirəcək və tikintisi son mərhələdə olan körpü ciddi zərər görüb.