Timur İvanov məhkəmədə nə danışdı? - Rusiyada qalmaqallı hadisə

Rusiya müdafiə nazirinin müavini Timur İvanov barəsində iki aylıq həbs qətimkan tədbiri seçilib.

Yerli medianın məlumatına görə, o, azı 1 milyon rubl rüşvət almaqda şübhəli bilinir.

Qeyd olunub ki, nazir müavini artıq istintaq təcridxanasına göndərilib. Rusiya İstintaq Komitəsinin açıqladığı məlumata görə, nazir müavininə Rusiya Federasiyasının Cinayət Məcəlləsinin 290-cı, rüşvət alma maddəsi ilə cinayət işi açılıb. Ancaq rüşvət üstündə həbs olunan Timur İvanov məhkəmədə təqsirli olmadığını deyib və günahını etiraf etməyib.

Qeyd edək ki, nazir müavini 2012-ci ildə Moskva vilayəti hökuməti sədrinin müavini vəzifəsində çalışıb. 2013-2016-cı illərdə “Oboronstroy” ASC-nin baş direktoru, 2016-cı ilin mayında prezidentin sərəncamı ilə müdafiə nazirinin müavini təyin edilib.