Tokayev Pezeşkianla görüşdə Şah İsmayıl və Nadir Şahdan danışdı
İran arxivlərində Qazax xanlığı və qazax xalqının igid, döyüşkən xalq olduğuna dair yazılar saxlanılır.
Bu barədə Qazaxıstan Prezidenti Kasım-Jomart Tokayev Astanada İran Prezidenti Məsud Pezeşkianla danışıqların yekununa həsr olunmuş brifinqdə bildirib.
“İran Yaxın Şərqdə bizim etibarlı tərəfdaşımızdır. İki qardaş xalqın tarixi kökləri, adət-ənənələri və mədəniyyəti bir-birinə yaxındır. Mənim əlimdə bir sıra tarixi faktlar var. Məsələn, Böyük İpək Yolu indiki Qazaxıstan və İran ərazilərindən keçib. Böyük İpək Yolu texnologiya və dinin yayılmasına, eləcə də mədəni-mənəvi əlaqələrin dərinləşməsinə təsir göstərib”, – o deyib.
Dövlət başçısı qeyd edib ki, Səfəvilər dövlətinin şahı İsmayıl Xətai ilk əlaqə quran Qazax xanı Kerey olub:
“İran arxivlərində Qazax xanlığı və qazax xalqının igidliyinə dair yazılar var. Tәukе xanla Şah Sultan Hüseyn arasında sıx əlaqələr vardı. Tarixi mənbələrə görə, hər iki ölkənin nümayəndələri Moskvada görüşüb, İran elçisi Qazax çöllərinə səfər edib. Əbilxayır xan Nadir şahın yanına elçi göndərərək münasibətləri inkişaf etdirmək niyyətini ifadə edib”.
#Kasım-Jomart Tokayev teqi istifadə olunub
- Qazaxıstan Prezidenti Xəzərin quruması problemindən danışdı
- Antoniu Koşta dinc və firavan Cənubi Qafqazın önəmindən danışdı
- Paşinyan Qazaxıstanda TRIPP layihəsi haqqında danışdı
- Qazaxıstan Prezidentinin ABŞ və Rusiya səfərləri nələri dəyişəcək?
- Əhmədlidə torpaq sürüşməsi | Tokayev niyə Kremlə getdi? | Polşadan müraciət | YENİ BİR SƏHƏR
