Tramp Avropanın siyasi və iqtisadi kursunu tənqid edib | ”Biz güclü məttəfiqlər istəyirik” - Baku TV

“Avropa özünü məhv edir”. Belə bir açıqlama ilə ABŞ Prezidenti Donald Tramp çıxış edib.

O, Avropanın siyasi və iqtisadi kursunu tənqid edib.

Ağ Ev rəhbərinin fikrincə, Avropa ölkələri lazım olan istiqamətdə deyil, başqa bir yolda irəliləyirlər:

“Avropanı sevirəm və istəyirəm ki, Avropa çiçəklənsin, amma hazırda o, düzgün istiqamətdə hərəkət etmir. Avropanın bəzi yerləri, açığı, artıq tanınmaz haldadır. Bu dəyişikliklər müsbət yox, mənfi yöndə baş verir. Biz güclü müttəfiqlər istəyirik, zəifləmiş müttəfiqlər yox. Avropa düzgün mövqedə deyil”.

ABŞ Prezidenti eyni zamanda Qərb iqtisadiyyatının daim artan dövlət xərcləri, nəzarətsiz kütləvi miqrasiya və sonsuz xarici idxaldan əziyyət çəkdiyini bildirib:

“ABŞ Avropa xalqlarına çox qayğı göstərir. Biz Avropa ilə paylaşdığımız bağlara dərindən inanırıq. Buna görə də enerji, ticarət, immiqrasiya və iqtisadi artım kimi məsələlər güclü və vahid Qərb görmək istəyən hər kəs üçün əsas narahatlıqlar olmalıdır”.

“Biz müharibəni qazandıq. Özü də əla şəkildə qazandıq. ABŞ olmasaydı, indi hamınız almanca və ya bir az da yapon dilində danışardınız”, – deyə Donald Tramp əlavə edib.