Tramp Livan və İsrail liderlərini danışıqlar üçün Ağ Evə dəvət edib

ABŞ Prezidenti Donald Tramp İsrail və Livanın 10 günlük atəşkəs elan etdiyini bildirib.

Bu barədə ABŞ Prezidenti Donald Tramp Livan və İsrail liderləri ilə telefon danışıqlarının yekunlarına əsasən "Truth Social" sosial şəbəkəsində yazıb.

"Mən Livanın çox hörmətli Prezidenti Jozef Aun və İsrailin Baş naziri Benyamin Netanyahu ilə çox yaxşı danışıqlar apardım. Bu iki lider ölkələri arasında sülhə nail olmaq üçün 10 günlük atəşkəs rejimi tətbiq edəcəkləri barədə razılığa gəldilər", – deyə Tramp bildirib.

ABŞ liderinin sözlərinə görə, o, ölkənin vitse-prezidenti Cey Di Vensə və dövlət katibi Marko Rubioya Birləşmiş Qərargah Rəisləri Komitəsinin sədri Den Keynlə birgə davamlı sülhə nail olmaq üçün İsrail və Livanla işləməyi tapşırıb.

Donald Tramp həmçinin İsrailin Baş naziri ilə Livanın Prezidentini birbaşa danışıqlar aparmaq üçün Ağ Evə dəvət edib.

"Əvvəl yayılmış bəyanatın davamı olaraq mən İsrailin Baş naziri Benyamin Netanyahunu və Livan Prezidenti Jozef Aunu danışıqların keçirilməsi üçün Ağ Evə dəvət edirəm", – deyə paylaşımda bildirilib.

ABŞ liderinin sözlərinə görə, hər iki tərəf sülhün əldə olunmasında maraqlıdır və danışıqlar prosesinin sürətlə irəliləyəcəyinə ümid edirl.