Tramp Livana zərbələr endirməyə icazə verilmədiyini bəyan edib

"İsraillə danışıqlar zəifliyin nümayişi, geriyə addım deyil və Livanın öz hüquqlarından imtina etməsini nəzərdə tutmur".

Bunu Livan Prezidenti Cozef Aun vətəndaşlara müraciətində deyib.

"Bu danışıqlar zəiflik əlaməti, geri çəkilmə və ya güzəşt kimi qəbul edilməməlidir", – deyə Aun diqqətə çatdırıb.

O, qəti əminliyini ifadə edib ki, danışıqlar prosesi heç bir hüquqdan imtina etməyi nəzərdə tutmur.

"Biz yeni bir mərhələnin astanasındayıq – atəşkəsin təmin edilməsi səylərindən xalqımızın hüquqlarını, ərazi bütövlüyünü və milli suverenliyini təmin edən uzunmüddətli razılaşmaların hazırlanmasına keçid mərhələsi, – deyə Prezident qeyd edib.

Aun əlavə edib ki, ölkə rəhbərliyi 50 ildə ilk dəfə Livana müstəqil qərar qəbul etmək hüququnu qaytarıb və danışıqlar prosesini vasitəçilər olmadan aparır.

Xatırladaq ki, ABŞ Prezidenti Donald Tramp aprelin 16-da bildirib ki, İsrail və Livan 10 günlük atəşkəs rejiminin tətbiqi ilə bağlı razılığa gəlib. Ağ Ev rəhbəri artıq İsrailə Livana zərbələr endirməyə icazə verilmədiyini bəyan edib.