Tramp Netanyahunu hədələdi | "İranla tək qalmaq riski ilə üzləşə bilərsən" - Baku TV

ABŞ lideri Donald Tramp İsrailin Baş naziri Benyamin Netanyahunu ölkəsini İrana qarşı tək qoymaqla hədələyib.

Bu barədə Donald Tramp İsrailin "12-ci kanal"ına müsahibəsində bildirib.

"İranlılar hücumları dayandırmaq tələbini İsrailə çatdırmaq xahişi ilə bizə müraciət etdilər. Mən Baş nazirlə əlaqə saxladım və atəşkəsə nail oldum. Mən ona dedim: "Sən öz hərəkətlərində son dərəcə ehtiyatlı olmalısan, çünki yaxın vaxtlarda İranla tək qalmaq riski ilə üzləşə bilərsən", – deyə Tramp bildirib.

O qeyd edib ki, beş ölkə İsrail Baş nazirinə təzyiq göstərmək xahişi ilə ona müraciət edib.

Ağ Ev rəhbəri həmçinin bildirib ki, İsrailə zərbə endirməkdən çəkinmək öhdəliyini ilk olaraq İran öz üzərinə götürüb.

O, Tehranla əldə olunmuş razılaşmalara dəyişməz sadiqliyini vurğulayaraq İran tərəfinin razılaşmanın bağlanmasında maraqlı olduğunu əlavə edib.