Tramp Ukrayna və NATO-nun dəstəklərə qarşılıq vermədiyini bildirib

ABŞ Prezidenti Donald Tramp Ukrayna və NATO-nun Vaşinqtonun müttəfiqlərinə göstərdiyi dəstəyə qarşılıq vermədiyini bildirib. 

Bu barədə Donald Tramp "The Telegraph" qəzetinə müsahibəsində deyib.

Prezident vurğulayıb ki, dünya neftinin 20%-nin daşındığı Hörmüz boğazının Tehran tərəfindən bağlanması qlobal enerji qiymətlərinin kəskin artmasına və dünya iqtisadiyyatında resessiya təhlükəsinə səbəb olsa da, NATO tərəfdaşları bu məsələdə kömək etməkdən boyun qaçırıblar.

D.Tramp müsahibəsində Ukrayna ilə münasibətlərə də toxunub: "Biz orada, o cümlədən Ukraynada avtomatik olaraq var idik. Ukrayna bizim problemimiz deyildi. Bu, bir sınaq idi, biz onların yanında olduq və həmişə də olardıq. Lakin onlar bizim yanımızda deyildilər".

ABŞ lideri müttəfiqlərin bu prosesdə iştirak etməməsini "inanılmaz" adlandıraraq, hərbi dəstəyin birtərəfli deyil, avtomatik və qarşılıqlı olmasının vacibliyini diqqətə çatdırıb.