Tramp Venesuela ilə bağlı planı açıqladı | ABŞ yenidən hərəkətə keçəcək? - Baku TV

Kuba hakimiyyəti gəlir çatışmazlığı səbəbindən çökməyə yaxındır.

Bu fikirləri ABŞ Prezidenti Donald Tramp səsləndirib.

Ağ Ev lideri Kolumbiyanı da Venesuelaya bənzədib:

“Bizim çox xəstə bir qonşumuz var. Əslində, qonşu deyil, amma qonşuya yaxındır, bu da Venesueladır, çox xəstədir. Kolumbiya da çox xəstədir. Kokain istehsal edib onu ABŞ-yə satmağı sevən xəstə bir adam tərəfindən idarə olunur. Deyim sizə, o bunu uzun müddət etməyəcək. Onun kokain dəyirmanları və kokain fabrikləri var. Mən sizə deyirəm ki, etməyəcək”.

Kuba məsələsinə də toxunan Ağ Ev lideri ölkənin Venesueladan asılılığını vurğulayıb:

“Baxın, Kuba həmişə Venesuela sayəsində ayaqda qalıb. İndi isə o pul gəlməyəcək, gəlir gəlməyəcək. Bilirsiniz, dünən çoxlu kubalı öldürüldü. Mühafizəçilər yəni”.

Ağ Ev lideri Venesuela məsələsinə də toxunub:

“Venesuela hazırda ölü bir ölkədir. Onu geri qaytarmalısınız. İnfrastrukturu geri qaytarmaq üçün neft şirkətləri tərəfindən böyük investisiyalar qoyulmalıdır. Neft şirkətləri bunu etməyə hazırdır. Onlar gedəcəklər, infrastrukturu yenidən quracaqlar. Bilirsiniz, biz onu illər əvvəl başlamaq üçün tikmişdik. Onları əlimizdən aldılar”.