Tramp xüsusi elçisini Putinlə görüşə niyə göndərdi?

Rusiya Prezidenti Vladimir Putin ABŞ Prezidentinin xüsusi nümayəndəsi Stiven Uitkoffu Moskvada qəbul edib.

Ölkə rəhbərliyinin mətbuat xidmətindən bildirilib ki, görüş Kremldə keçirilib.

Qeyd edək ki, Stiven Uitkoffun təyyarəsi avqustun 6-sı səhər saatlarında Moskvaya eniş edib. Onu hava limanında Rusiyanın Birbaşa İnvestisiya Fondunun rəhbəri Kirill Dmitriyev qarşılayıb. Daha sonra onlar birlikdə Kremlin yaxınlığında yerləşən “Zaryadye” parkına yollanıblar, Rusiya Prezidenti ilə görüşdən öncə gəzinti zamanı söhbət ediblər.

Xarici mətbuatda verilən məlumatlarda bildirilib ki, ABŞ Prezidenti Donald Trampın Rusiyaya verdiyi müddətin başa çatmasına iki gün qalmış baş tutan görüşün əsas məqsədi Rusiya-Ukrayna hərbi münaqişəsində irəliləyişə nail olmaqdır. Bu addım Trampın Rusiyaya qarşı sanksiyalarının tətbiqinin qarşısını almaq üçün güzəşt ola bilər.