Trampdan sərt çıxış | Tehran ABŞ-la danışıqların gedişatını açıqladı - Baku TV

İranla razılaşma və ya hərbi əməliyyatların yenidən başlanması şansı 50-50-yədir.

Bu barədə ABŞ Prezidenti Donald Tramp “Axios”a bildirib.

“Düşünürəm ki, iki şeydən biri baş verəcək. Ya mən onlara əvvəlkindən daha çox zərbə endirəcəyəm, ya da yaxşı bir razılaşma əldə edəyəcəyik”, – deyə o bildirib.

Ağ Ev lideri eyni zamanda danışıqlar qrupu ilə görüş keçirməyi, İranla mümkün hərbi əməliyyatların bərpası ilə bağlı qərar qəbul etməyi planlaşdırır.

İran Xarici İşlər Nazirliyinin sözçüsü İsmayıl Bəqai isə “anlaşma memorandumunun yekunlaşdırılması mərhələsindəyik və bu mərhələdə diqqətimiz müharibənin başa çatdırılmasına yönəlib”, – deyə bildirib.

O, İran Dövlət Televiziyasına müsahibəsində “razılaşma yaxındırmı?” sualına cavab olaraq deyib ki, nə çox uzaqdır, nə də çox yaxındır.

Bəqai vurğulayıb ki, ABŞ-nin dənizdəki hücumlarının dayandırılması, onların özlərinin “dəniz mühasirəsi” adlandırdığı məsələnin sona çatması, eləcə də İranın bloklanmış vəsaitlərinin azad edilməsi bu memorandumda əks olunan əsas mövzulardandır.