Pleyeri seçin:
“TULGA”nın təhvil verilməsinə başlanılıb
Xəbərlərimizi Google-da izləyin
Yeniliklərdən dərhal xəbərdar olun
Türkiyənin ilk yerli zirehli SUV avtomobili “TULGA”nın təhvil verilməsi işlərinə başlanılıb.
Türkiyənin “BMC” şirkəti tərəfindən müvafiq layihə çərçivəsində hazırlanan “TULGA” yoxlama fəaliyyətlərini və taktiki qabiliyyət sınaqlarını uğurla başa çatdırıb.
Daxili təhlükəsizlik qüvvələrinin əməliyyat ehtiyaclarını qarşılamaq məqsədilə hazırlanan “TULGA” zirehli konstruksiyası, ballistik qoruma səviyyəsi və texnoloji avadanlıqları ilə təhlükəsizlik, davamlılıq və komfort xüsusiyyətlərə malikdir.
Təxminən 8 ton ağırlığa malik, 5 nəfərlik daşıma qabiliyyəti ilə xidmət göstərəcək avtomobil həm çətin relyef şəraitində, həm də şəhər daxilində yüksək manevr qabiliyyəti təmin edir. Dörd silindrli dizel mühərriki ilə işləyən, 250 at gücü təmin edən avtomobil saatda maksimum 130 kilometr sürətə çata bilir.
Avtomobildə xüsusi dizayn edilmiş altlıq qoruması ballistik təhdidlərə qarşı yüksək dayanıqlıq təmin edir. Çətin ərazi və şəhər şəraitində fəaliyyət göstərə biləcək şəkildə hazırlanmış avtomobil müxtəlif əməliyyat ehtiyaclarına uyğun hazırlanıb.
Kopyalandı
Seçilmişlər
