Türkiyə kəşfiyyatından PKK-ya ağır zərbə

Türkiyənin Milli Kəşfiyyat Təşkilatı Suriyanın şimalında növbəti uğurlu əməliyyat keçirib.

Belə ki, ölkənin Tel-Rıfat bölgəsində keçirilən antiterror əməliyyatı nəticəsində PKK terror təşkilatının rəhbər şəxslərindən biri olan Rıdvan Uluqana zərərsizləşdirilib.

Məlumata görə, 2018-ci ildən Suriyada terror fəaliyyəti ilə məşğul olan Uluqana uzun müddətdir axtarışda idi. O, bölgədəki PKK üzvlərinin sərhəddən Türkiyəyə keçməsini də təşkil edirdi.

Hazırda araşdırmalar davam etdirilir. Bildirilib ki, Suriyada bundan sonra da oxşar əməliyyatlar keçiriləcək.