Zelenski Əbu-Dabidəki üçtərəfli görüşün ilk gününün danışıqlarını konstruktiv adlandırıb

ABŞ, Ukrayna və Rusiyanın Əbu-Dabidəki üçtərəfli danışıqlarının ilk gününün yekunlarına əsasən, yaxın vaxtlarda genişmiqyaslı əsir mübadiləsi barədə razılıq əldə etmək mümkün olub.

Bu barədə Ukrayna mediası məlumat yayıb. Razılaşmanın digər təfərrüatları hələlik açıqlanmayıb.

Ukrayna Prezidenti Volodimir Zelenski "Telegram" kanalında yazıb ki, ABŞ, Ukrayna və Rusiyanın Əbu-Dabidəki üçtərəfli danışıqlarının ilk günü konstruktiv və olduqca məzmunlu olub.

"Bu gün görüşlərin ilk günüdür – əvvəlcə avropalı və amerikalı tərəfdaşlarla söhbət olub, sonra isə bizim, ABŞ və Rusiya nümayəndə heyətlərimiz arasında üçtərəfli format. Dəstəyə görə Ukraynanın bütün tərəfdaşlarına minnətdaram. Üçtərəfli format konstruktiv və olduqca məzmunlu idi. Humanitar addımların zəruriliyini və mümkün parametrlərini müzakirə etməyə imkan tapdıq. Əsirlərin azad edilməsi prioritetdir", – deyə V.Zelenski yazıb.

ABŞ Dövlət katibi Marko Rubio isə Əbu-Dabidə danışıqların yekunlarını müsbət qiymətləndirərək, tərəflərin hələ çox iş görməli olduğunu deyib.

"Görünən odur ki, Əbu-Dabidəki danışıqlar çox məhsuldar olub", – deyə M.Rubio bildirib.