Pleyeri seçin:
Kabildə qədim sivilizasiyaların izləri tapılıb
Xəbərlərimizi Google-da izləyin
Yeniliklərdən dərhal xəbərdar olun
Əfqanıstanın paytaxtı Kabildə yerləşən qədim Bala Hissar qalasında aparılan arxeoloji qazıntılar zamanı müxtəlif sivilizasiyalara aid nadir tarixi nümunələr üzə çıxarılıb.
Tapıntılar arasında buddist monastırının qalıqları, saray hamamları, qədim sikkələr və İslam dövrünə aid keramika nümunələri var.
Hazırda Ağa Xan Mədəniyyət Fondunun həyata keçirdiyi çoxillik layihə çərçivəsində qala ərazisində bərpa və konservasiya işləri aparılır.
Layihənin əsas məqsədi tarixi məkanı arxeoloji parka çevirmək, burada bağlar, restoranlar və muzey yaratmaqdır.
Qazıntılar zamanı beş ayrı sahədə aparılan tədqiqatlar nəticəsində qədim yaşayış məskənlərinin izləri, buddist heykəllərinin parçaları, şirli İslam keramikası, yağ lampaları, müxtəlif saxsı qablar, saray və yaşayış binalarının qalıqları aşkarlanıb.
Xüsusilə Böyük Moğollar imperiyası dövrünə aid sarayın qalıqlarının aşkarlanması diqqət çəkib. Həmin ərazidə divar rəsmləri, taxtı xatırladan tikili və qayaya həkk olunmuş ulduz formalı hovuz tapılıb.
Kopyalandı
Seçilmişlər
