Türkiyə kəşfiyyatından qisas | İraqda bu PKK lideri zərərsizləşdirildi

Antiterror əməliyyatı nəticəsində PKK qruplaşmasının İraqın Süleymaniyyə bölgəsi üzrə “məsul şəxsi” sayılan Mehmet Şefa Akman məhv edilib.

Bu barədə Türkiyə Milli Kəşfiyyat Təşkilatı məlumat yayıb. Bildirilib ki, o, ölkəyə qarşı yeni silahlı terror hücumu hazırlayırmış.

Məlumata görə, “Bahoz Zagros” kod adlı Akman 2005-ci ildə PKK qruplaşmasına qatılıb və İraqın şimalında 18 il fəaliyyət göstərib. O, terror qruplaşmasının “özünü müdafiə birlikləri”nin Süleymaniyyənin şimalı üzrə “başçısı” olub.