Türkiyədə həftələrdir davam edən meşə yanğınları | Bursada son vəziyyət

Türkiyədə bir neçə həftədir davam edən meşə yanğınları bazar günü ölkənin dördüncü böyük şəhərini təhdid edərək 3500-dən çox insanı evlərini tərk etməyə məcbur edib.

Məlumata görə, Türkiyənin şimal-qərbində Bursanı əhatə edən meşəlik dağlarda gecə baş verən yanğınlar sürətlə yayılıb.

Meşə naziri İbrahim Yumaklı jurnalistlərə bildirib ki, Bursanın şimal-şərqindəki kəndlərdən 3515 nəfər təhlükəsiz şəkildə təxliyə edilib.

Daha əvvəl Yakuplar və Çakmak kəndləri tamamilə təxliyə edilmişdi. Ötən gün isə daha dörd yaşayış məntəqəsinin ‒ Çatalsöğüt, Çamoğlu, Ilıcaksu və Dutluca sakinlərinin təxliyə edilməsi barədə qərar qəbul edildiyi məlum olub.

Bursa meri Mustafa Bozbəy bir yanğınsöndürənin xidməti vəzifələrini yerinə yetirərkən ürək tutmasından vəfat etdiyini bildirib və əlavə edib ki, alov şəhərin ətrafında 3000 hektarı əhatə edib.