Türkiyənin beşinci nəsil zirehli transportyoru ilk dəfə təqdim olundu

Səudiyyə Ərəbistanında keçirilən Dünya Müdafiə Sərgisində FNSS-in istehsalı olan beşinci nəsil Türkiyə zirehli transportyoru “PARS ALPHA 8X8” ilk dəfə təqdim edilib.

Bu barədə FNSS-in baş direktoru Nail Kurt bildirib.

Səkkiz təkərli “PARS ALPHA 8X8” şirkətin mühəndislərinin texnoloji yenilikləri, toplanmış təcrübəni bir araya gətirməyə yönəlmiş 35 illik səyinin nəticəsidir. Bu, müştərilərin rəylərini və hərbi ekspertlərin qiymətləndirmələrini nəzərə almaqla son 10-15 ildə regionda təhlükəsizlik vəziyyətinin tələblərinə cavab vermək üçün yaradılmış zirehli transportyordur.

N.Kurtun sözlərinə görə, “PARS ALPHA 8X8” rəqibləri və analoqları ilə müqayisədə bir çox üstünlüklərə malikdir.