Türkiyənin bir neçə vilayətində meşə yanır

17 iyul 2023 183 baxış

Türkiyənin bir neçə vilayətində meşə yanğınları baş verib.

Məlumata görə, Mersinin Gülnar rayonunda meşə sahəsində yanğın başlayıb. Kavakoluğudakı ərazidə yanğın naməlum səbəbdən baş verib.

Hadisə yerinə 3 yanğınsöndürmə helikopteri, çoxlu sayda suçiləyici, meşə təsərrüfatı birliyinin əməkdaşları cəlb olunub. Yanğınsöndürənlər alova havadan və qurudan müdaxilə edir.

Hatayın Belen rayonunda da meşə yanğını baş verib. Yanğınsöndürənlər alovu söndürməyə çalışırlar. Bölgədəki yaşayış məntəqələrinin sakinləri təxliyə edilib.

Kahramanmaraşda fevraln 6-da zəlzələlərin baş verdiyi Osmaniyenin Düziçi rayonunda da meşə yanır. Yanğına havadan və qurudan müdaxilə davam edir.

Amanos dağlarında 1200 metr hündürlükdə olan Dumanlı yaylasının meşə sahəsində naməlum səbəbdən yanğın baş verib. Bölgəyə yanğınsöndürmə helikopteri, çoxlu sayda suçiləyici, meşə təsərrüfatının əməkdaşları cəlb edilib.

#Türkiyə