Ukrayna Luqanskdakı neft bazasına raket zərbələri endirdi | Ölən və yaralananlar var

Ukrayna Ordusunun Donetskdə “Paradise” hotelinə raket zərbəsi endirməsi nəticəsində azı beş nəfər həlak olub, daha altı nəfər yaralanıb.

Bu barədə xarici mətbuatda məlumat verilib.

Bildirilib ki, zərbələr HIMARS (Haymars) Yaylım Atəşli Reaktiv Sistemindən həyata keçirilib.

Məlumata görə, hücumdan əvvəl qondarma “Donetsk Xalq Respublikası”nın yaranmasının 10 illiyi münasibətilə avtoyürüş təşkil edilibmiş.

Avtoyürüş iştirakçıları həmin hotelin qarşısına toplaşdığından hotel binası ilə yanaşı, avtomobillər də raket zərbələrinə tuş gəlib. Hazırda hadisə yerində əməliyyat və istintaq qrupu işləyir, dağıntıların təmizlənməsi işləri aparılır. Ölənlərin sayının arta biləcəyi istisna olunmur.

Qeyd edək ki, Ukrayna Silahlı Qüvvələri mayın 11-də Luqansk vilayətində neft anbarını da vurub. Son məlumatlara görə, hadisə nəticəsində dörd nəfər ölüb, 11 nəfər isə yaralanıb.