Dünya
Pleyeri seçin:
Ukrayna parlamenti müdafiə nazirini rəsmən istefaya göndərdi
Ukrayna Ali Radası ölkənin müdafiə naziri Oleksiy Reznikovu istefaya göndərib.
Bu barədə Ali Radanın mətbuat xidməti məlumat yayıb. Qeyd olunub ki, parlamentarilərdən 327 nəfər lehinə, 4 nəfər isə əleyhinə səs verib. Həmçinin bildirilib ki, yeni müdafiə nazirinin təyinatı ilə bağlı səsvermə sentyabrın 6-da keçiriləcək.
Oleksiy Reznikov parlamenti tərk edərkən hər kəs tərəfindən ayaq üstə alqışlarla yola salınıb.
Xatırladaq ki, sentyabrın 3-də Ukrayna Prezidenti Volodimir Zelenski xalqa müraciətində Oleksiy Reznikovun Dövlət Əmlak Fondunun hazırkı rəhbəri Rustem Umerovla əvəzlənəcəyi barədə qərarını açıqlayıb. Bunun ardınca O.Reznikov parlamentə istefa verməsi barədə məktub göndərib və onun istefası təsdiqlənib. Yeni müdafiə nazirinin təyin olunması üçün V.Zelenski həmin şəxsin namizədliyini Radanın müzakirəsinə təqdim etməlidir.
Qeyd edək ki, Rüstəm Umerov Dövlət Əmlak Fondunun sədri vəzifəsindən azad edilib.
Kopyalandı
Seçilmişlər
