Ukrayna rus zabitləri aradan götürmək istədi | Rusiya FTX-dən təcili tədbir

10 iyul 2024 208 baxış

Rusiyanın Federal Təhlükəsizlik Xidməti Müdafiə Nazirliyinin üç yüksəkrütbəli hərbçisinə qarşı terror aktını planlaşdıran qruplaşma üzvlərini ələ keçirib.

Bu barədə ölkənin Müdafiə Nazirliyindən məlumat verilib.

Bildirilib ki, təşkilatın üzvləri kustar üsulla hazırlanmış partlayıcı vasitələrdən istifadə etmək istəyiblər. Sözügedən partlayıcı qurğunun kuryerlər vasitəsilə çatdırılmasını təşkil edən 30 yaşlı Rusiya vətəndaşı hadisə yerində saxlanılıb.

İlkin araşdırma zamanı bombalar hədiyyə paketinə bükülmüş halda aşkar edilib. Saxlanılan şəxs törətdiyi əməlini etiraf edib və bildirib ki, partlayıcıları ona Ukrayna kəşfiyyatı ötürüb. Qeyd edib ki, terroru törətmək əmrini və vəsaiti də onlardan alıb.

Məlumata görə, kəşfiyyat şəbəkəsinə beş nəfər daxil olub. Onların isə hədəfi Qara dəniz donanmasının zabitləri, hərbi, nəqliyyat və enerji obyektləri, xüsusən də Sevastopolun şimalındakı Kaça kəndində yerləşən aerodrom olub.

#Rusiya Federal Təhlükəsizlik Xidməti