Ukrayna Rusiyadan qisas almaq üçün görün nə etdi | Müharibədə dəhşətli vəziyyət

Rusiya Dnepropetrovsk, Zaporojye və Xarkova dronlarla hücum edib.

Dnepropetrovskun vilayət administrasiyasının sədri Sergey Lısak bildirib ki, Pavloqradsk rayonuna zərbələr nəticəsində 52 yaşlı kişi ölüb, 38 və 49 yaşlı kişilər isə yaralanıb. Rusiyalılar elektrovozu atəşə tutub. Həlak olan qatarın maşinistidir.

Zaporojye də bombalanıb. Vilayət administrasiyasının rəhbəri İvan Fedorovun sözlərinə görə, hücumlardan sonra çoxmərtəbəli binalarda yanğın qeydə alınıb, 64 yaşlı kişinin meyiti tapılıb.

Xarkov vilayətinin Çuquyeva yaşayış məntəqəsi də atəşə tutulub, 4 nəfər xəsarət alıb.

“UNIAN”da yayılan məlumata görə, Rusiya da dron hücumuna məruz qalıb. Moskva və Dzerjinskdə partlayışlar baş verib.

Nijni Novqorod Hava Limanı “xalça” planına keçib. Uçuş və enişlər dayandırılıb, qapalı səma rejimi tətbiq olunub.

Qeyd edək ki, Dzerjinskdə silah-sursat istehsal edən zavodlar yerləşir. Ukraynanın həmin əraziyə hücumunun məqsədi də elə bu zavodları sıradan çıxarmaq olub.

Rusiyanın hava hücumundan müdafiə qüvvələri Ukraynaya aid 73 PUA-nı məhv edib. Bu ölkənin müdafiə nazirliyinin məlumatına görə, dronlardan 11-i Moskva səmasında vurulub. Digər PUA-lar Bryansk, Orlov, Krım, Smolensk, Belqorod, Kaluqa, Voronej və Qara dəniz üzərində zərərsizləşdirilib.