Ukrayna Rusiyaya dronlarla hücum etdi | AES-də güclü yanğın baş verdi

Ukrayna Rusiyaya dronlarla hücum edib.

Belə ki, pilotsuz təyyarələr gecə hücumu zamanı Rusiyanın qərbindəki Kursk Atom Elektrik Stansiyasında yanğına və gücün azalmasına səbəb olub.

Bu barədə “Rosenerqoatom” konserninin “Telegram” kanalında məlumat yayılıb.

Məlumata görə, Kursk AES-ə hücum edən pilotsuz təyyarənin partlaması nəticəsində lokal yanğın baş verib.

“Aparat düşən zaman qurğu partlayıb, nəticədə transformator sıradan çıxıb. Lokal yanğın söndürülüb. Nəticədə 3 saylı blok 50% boşaldılıb. Zərərçəkən yoxdur”, ‒ deyə paylaşımda bildirilir.

Bundan əlavə, Ukrayna Silahlı Qüvvələri dronlardan istifadə edərək Rusiyanın Bryansk şəhərinin Sovetskiy rayonuna hücum həyata keçirib.

Bryansk vilayətinin qubernatoru Aleksandr Boqomaz bildirib ki, xəsarət alan olmayıb.

“Çoxmənzilli binalardan birinin fasadı və şüşələri zədələnib”, – deyə qubernator əlavə edib.