Ukrayna Volqoqrad neft emalı zavoduna zərbələr endirib

Ukraynanın paytaxtı Kiyev fevralın 12-də Rusiya raketlərinin “kütləvi” hücumuna məruz qalıb və hücum zamanı müxtəlif binalara zərbələr endirilib.

Şəhər meri Vitali Kliçko bildirib ki, Dnepr çayının hər iki tərəfindəki həm yaşayış, həm də qeyri-yaşayış binalarına zərbələr endirilib.

Paytaxtın hərbi administrasiyasının rəhbəri Timur Tkaçenko hava hücumu xəbərdarlıqlarının həm Kiyevdə, həm də Dneprdə gecə yarısından sonra da qüvvədə qaldığını qeyd edib.

Rusiya Qüvvələri son 24 saat ərzində Ukrayna Ordusunun enerji obyektlərinə, nəqliyyat infrastrukturlarına və hərbi yerləşdirmə ərazilərinə zərbələr endirib. Eyni zamanda Rusiyanın hava hücumundan müdafiə sistemləri 458 Ukrayna dronunu vurub.

Elə həmin gün Ukrayna Silahlı Qüvvələrinin Baş Qərargahı bildirib ki, Ukrayna qüvvələri Rusiyanın Volqoqrad vilayətindəki neft emalı zavoduna, Krımdakı yanacaq anbarına və Ukraynanın cənub-şərqindəki Zaporojye bölgəsindəki anbara zərbələr endirib.

Hücumlar həmçinin Rusiya hərbi toplantı ərazilərinə, dron idarəetmə məntəqələrinə və komanda məntəqələrinə yönəlib.