Ukraynadan Tatarıstana şiddətli PUA hücumu | Yaralananlar var

Aprelin 2-si səhər saatlarında Rusiyanın Tatarıstan Respublikasının Alabuqa və Nijnekamsk rayonlarına ümumilikdə 3 ədəd pilotsuz uçuş aparatları ilə hücum olub. PUA-lar “Elaz-Neft məhsulları” Neft emalı zavodu və “Alabuqa” xüsusi iqtisadi zonasına yönlənib.

Bu barədə ölkə rəhbəri Rüstəm Minnixanovun mətbuat xidməti məlumat verib. Hadisə nəticəsində 12 nəfərin müxtəlif dərəcəli bədən xəsarəti aldıqları bildirilib. Qeyd olunub ki, müəssisəyə ciddi ziyan dəyib.

"Xəsarət alanlardan 3-ü artıq evə buraxılıb, qalanları isə tibb müəssisəsində müalicə olunacaq. Bir neçə yaşayış binasına ziyan dəyib. Təəssüf ki, Alabuqada dağıntılar nəticəsində zədələnmiş tikililər var", – deyə mətbuat xidmətindən bildirilib.

Qeyd edək ki, Ukrayna mətbuatında yayılan məlumatlarda bildirilib ki, sözügedən zavodda “Shahed” raketləri hazırlanırdı.