Ukraynanın neft anbarına dron hücumu

Rusiya Ordusu İran istehsalı olan 3 "Şahed" pilotsuz uçuş aparatı ilə Kirovoqrad vilayətinin Kropivnitski şəhərindəki neft anbarına hücum edib.

Bu barədə vilayət administrasiyasının rəhbəri Andrey Raykoviç “Telegram”da məlumat verib.

O bildirib ki, PUA hücumundan sonra anbarda yanğın baş verib. Məlumata görə, hadisə nəticəsində ölən və yaralanan olmayıb.

Qeyd edək ki, Rusiya Ordusu mayın 3-nə keçən gecə ümumilikdə 26 “Şahed” PUA-sı ilə Ukraynaya hücum edib. Onlardan 21-i Ukrayna hava hücumundan müdafiə qüvvələri tərəfindən məhv edilib. Rusiya Ordusu ötən gecə həmçinin Ukraynanın Xerson şəhərini atəşə tutub. Nəticədə 4 nəfər ölüb, biri uşaq olmaqla 7 nəfər yaralanıb.