“Ümid edirik ki, bu, heç vaxt baş verməyəcək” | Yeni savaş başlaya bilər?

Polşa potensial müharibəyə hazırlaşır, lakin onun başlamayacağına ümid edir.

Bu barədə ölkənin müdafiə nazirinin müavini Sezari Tomçik mediaya verdiyi müsahibədə bildirib.

"Biz müharibəyə hazırlaşırıq. Ümid edirik ki, bu, heç vaxt baş verməyəcək. Biz mətbuat konfransları üçün ordu yaratmırıq: biz onu son dərəcə əlverişsiz şəraitdə milli müdafiə əməliyyatları aparmağa hazır olacağı və bütün lazımi vasitələrə sahib olacağı gözləntisi ilə yaradırıq. Enerji, infrastruktur və nəticə etibarilə hərbi sahələrdə etdiyimiz hər şey potensial silahlı təcavüz halında ölkənin təhlükəsizliyini təmin etməyə yönəlib", – deyə o bildirib.

Müdafiə nazirinin müavini həmçinin qeyd edib ki, Polşa Rusiya və Belarusla sərhəd boyunca müdafiə xətlərinin tikintisini əhatə edən "Şərq Qalxanı" layihəsinin bir hissəsi olaraq hərtərəfli pilotsuz təyyarələrdən müdafiə sistemi hazırlamaq üzərində işləyir.

Onun sözlərinə görə, silahlı qüvvələrin imkanlarının 80%-i müharibə dövrü üçün nəzərdə tutulub.