Valentina Matviyenkonun Ermənistana səfəri necə keçdi? | "Ölkəmizin daxili işlərinə qarışmasınlar"

Ermənistanda baş verənlərin Ermənistan-Rusiya münasibətlərinə təsir etdiyini bildirənlər yəqin ki, öz degenerativ teleaparıcılarının proqramlarını izləyiblər. Həqiqətən də, onların degenerativ aparıcılarının ritorikası Ermənistan-Rusiya münasibətlərini pisləşdirir.

Bu barədə Ermənistan parlamentinin sədri Alen Simonyan bildirib.

O, Rusiya Federasiya Şurası sədri Valentina Matviyenkonun Ermənistana əla bir səfər həyata keçirdiyinə diqqət çəkib.

“İndi mən bilmirəm, Samvel Karapetyandan və ya başqasından aylıq 30-50 min dollar alan bu aparıcılar indi müdafiəçiyə çevriliblər? Qoy gedib öz işləri ilə məşğul olsunlar və ölkəmizin daxili işlərinə qarışmasınlar. Onlar yalnız məndə deyil, Ermənistan Respublikasının vətəndaşlarında da qıcıq yaradırlar. Yenə də deyirəm, qoy səslərini kəssinlər və rədd olub getsinlər.

Hesab edirəm ki, bütün bunların nəticəsində biz Rusiya telekanallarının Ermənistanda yayımının dayandırılmasını çox ciddi müzakirə etməliyik. Bu manqurtların və meymunların proqramları Ermənistanda çoxdan bağlanıb, onların Ermənistana girişi qadağan olunub.

Lakin dövlət telekanalları Ermənistan Respublikasının daxili işlərinə qarışırsa, ən azından biz reaksiya verməliyik və onların evimizə girişini bağlamalıyıq. Çünki degenerant-manqurtların proqramlarını bağlayanda onlar hər halda başqa verilişlər vasitəsilə hansısa fraqmentlər yayımlayır və Ermənistan xalqını əsəbiləşdirirlər.

Ya onlar Ermənistan Respublikasının daxili işlərinə qarışmamalıdırlar, ya da bu mənim şəxsi fikrimdir, məsələ həll olunmalıdır. Sergey Lavrova gəlincə isə həmkarı ona cavab verib və mənim əlavə edəcəyim heç nə yoxdur”, ‒ A.Simonyan vurğulayıb.