Vaşinqton danışıqları bəhanə edir? | Trampdan jurnalistlərə açıqlama - Baku TV

ABŞ danışıqlar bəhanəsi ilə İrana qarşı genişmiqyaslı hücum hazırlayır.

Bunu İran parlamentinin sədri Məhəmməd Baqir Qalibaf "X" sosial şəbəkə hesabında yazıb.

Onun sözlərinə görə, İran ABŞ-nin təhdidlərindən qorxmur.

"Hədə-qorxu, yerinə yetirilməmiş vədlər və saxta xəbərlərdən rıçaq kimi istifadə edilməsi iflasa uğramış strategiyadır. Faktları qəbul edin və öhdəliklərinizi yerinə yetirin. Bizə daha teatr lazım deyil", – deyə Qalibaf bildirib.

ABŞ Prezidenti Donald Tramp isə Ağ Evdə jurnalistlərin suallarını cavablandırarkən İrana qarşı hərbi əməliyyatların tezliklə başa çatacağını diqqətə çatdırıb.

O həmçinin müharibədən sonra neftin qiymətinin aşağı düşəcəyinə ümid etdiyini qeyd edib.

"Düşünürəm ki, bu, tezliklə bitəcək. Çünki onların daha çox dözə biləcəklərinə inanmıram. Mən danışıqlarda iştirak edirəm. Düşünürəm ki, biz yaxşı iş görürük. ABŞ və İran arasında tezliklə razılıq əldə oluna biləcəyinə inanıram", – deyə Ağ Ev rəhbəri vurğulayıb.