Pleyeri seçin:
Vaşinqton yeni nəsil silahların sınaqlarına hazırlaşır
“ABŞ nüvə triadasını modernləşdirəcək və digər ölkələrlə bərabər səviyyədə nüvə sınaqları keçirəcək”.
Belə bir açıqlama ilə Pentaqon rəhbəri Pit Heqset çıxış edib.
“Prezident Donald Trampın artıq dediyi kimi, biz nüvə triadamızı modernləşdiririk. Biz nüvə silahlarını və nüvə çatdırılma sistemlərini digər ölkələrlə bərabər səviyyədə sınaqdan keçirəcəyik”, – o deyib.
Heqsetin sözlərinə görə, ABŞ Çinlə hərbi qarşıdurma istəmir.
“Tramp dövründə Müdafiə Nazirliyi sağlam düşüncədən çıxış edir. Bu yanaşma Çini qarşıdurma ilə deyil, güc vasitəsilə cilovlamağa əsaslanır”, – deyə Pentaqon rəhbəri qeyd edib.
O sonda vurğulayıb ki, ABŞ bütün dünyada fəaliyyət göstərə biləcək qlobal müdafiə qalxanı yaratmaq üçün müttəfiqləri ilə əməkdaşlıq etmək niyyətindədir.
Kopyalandı
Seçilmişlər
