Venesuela Prezidentindən Zelenskiyə sərt sözlər | Bizim təlxəyimiz var idi...
“Ukrayna Prezidenti Zelenski Qərbin marionetidir”.
Bu sözləri Venesuela Prezidenti Nikolas Maduro deyib.
“Bu, imperializmin marionet təyin etməsi, ondan istifadəsi və sonra zibil qutusuna atması ilə bağlı ilk hadisə deyil. Zelenski kimi bizim də bir təlxəyimiz var idi – Quaido. İmperializm onu tutub Mayamidəki zibilliyə atdı. İndi o, Mayamidə zibil kimi yaşayır, amma cibində milyonlarla. Quaido kimi xalqı parçalamaq, nifrətlə doldurmaq, müharibə aparmaq üçün təxribat və yalanlarla istifadə olunacaq nümunələr yenə də olacaq.
İmperializm şeytana bənzəyir – sən ona xidmət edirsən, sonra o sənə tüpürür. Deyəsən, Zelenskini də eyni tale gözləyir: bir dəfə uğursuzluğa düçar olursan, səni çölə atırlar, təpikləyirlər, səni tərk edirlər. Ruhunu şeytana satanların aqibəti budur”, – Maduro bildirib.