Vətəndaşlar üçün ordu səfərbər edildi | Yaxın Şərqdə vəziyyət gərginləşir

Almaniya Yaxın Şərqdəki vətəndaşlarını təxliyə etmək üçün ordunu səfərbər edib. Bu barədə Türkiyə mətbuatı məlumat yayıb.

Bildirilib ki, Almaniya Silahlı Qüvvələri genişmiqyaslı təxliyə əməliyyatına hazırlaşır. Alman ordusu hərbi yük təyyarəsi parkını və ekipajını bir neçə gündür mümkün təxliyə üçün hazır vəziyyətdə saxlayır.

Qeyd edilir ki, bölgədə 2 mindən çox Almaniya vətəndaşı var. Ordunun planına ilk növbədə Livandakı Almaniya vətəndaşlarının təxliyəsi daxildir.

Xəbərdə həmçinin bildirilir ki, Almaniya Xarici İşlər Nazirliyi vətəndaşlarından Livanı tərk etmələrini istəsə də, bu xəbərdarlığa çox az sayda şəxs reaksiya verib.

Qeyd edək ki, İsrailin hava zərbələri ilə Livanın paytaxtı Beyrutda “Hizbullah”ın yüksək səviyyəli komandirlərindən olan Fuad Şükürün məhv edilməsi və HƏMAS-ın Siyasi Bürosunun rəhbəri İsmayıl Haniyənin Tehranda öldürülməsindən sonra bölgədə gərginlik artıb.