Vyetnam hərbçilərinin sayı bu ölkələri geridə qoydu | Siyahı açıqlandı

Beynəlxalq Strateji Araşdırmalar İnstitutunun 2025-ci il üçün açıqladığı hesabatda dünyanın ən çoxsaylı ordularına malik ölkələrin siyahısı təqdim olunub.

ABŞ, Çin və Rusiyanın ilk üçlükdə yer almaması diqqət çəkib.

Siyahının zirvəsində 7 milyon 500 min hərbçi ilə Şimali Koreya dayanır. Onu 6,6 milyon hərbçi ilə Cənubi Koreya və 5,4 milyon əsgərlə Vyetnam izləyir.

Dördüncü yerdə 4,2 milyon hərbçi ilə Hindistan, beşinci yerdə isə 3,2 milyon hərbçi ilə Rusiya qərarlaşıb. Çin 3,04 milyon hərbçi ilə altıncı sırada yer alır.

Dünyanın ən böyük hərbi büdcəsinə malik olan ABŞ 2,1 milyon əsgərlə 9-cu yerdə qərarlaşıb. Bu isə müasir döyüş anlayışında saydan çox texnologiya və peşəkar qüvvələrin ön planda olduğunu göstərir. Türkiyə 894 700 hərbçi ilə 13-cü yerdədir.

Siyahıya əsasən, Azərbaycan 383 200 hərbçi ilə dünyanın ən çoxsaylı ordulara malik ölkələri sırasındadır. Bu göstərici ilə Azərbaycan regionda hərbi güc baxımından önəmli mövqe tutur.