Xərçəngə qarşı fərdiləşdirilmiş vaksin uğurla sınaqdan keçirilib

Yüksəkriskli melanoma xəstələri üçün hazırlanmış fərdiləşdirilmiş yeni vaksin klinik sınaq zamanı xərçəngin təkrarlanmasının qarşısını almaqda ümidverici nəticələr göstərib.

“Intismeran” vaksini dəri xərçənginin bir növü olan melanoma səbəbindən əməliyyat keçirmiş yüksəkriskli xəstələrə verilib.

Vaksin xərçəngin müalicəsində artıq istifadə edilən “Keytruda” immunoterapiya preparatı ilə birlikdə tətbiq olunub. İlkin nəticələr bu müalicənin xəstələrin xərçəngsiz qaldığı müddəti uzatdığını göstərir. Lakin bu təsirin nə qədər davam etdiyi hələ məlum deyil.

Xərçəng üzrə mütəxəssislər nəticələri mühüm irəliləyiş kimi qiymətləndirsələr də, ehtiyatlı olmağa çağırırlar. Belə ki, sınağın tam nəticələri hələ açıqlanmayıb və müstəqil ekspertlər tərəfindən elmi qiymətləndirmədən keçirilməyib.

Sınaqlar uğurla başa çatsa belə, müalicənin istifadəyə verilməsi üçün tənzimləyici qurumların təsdiqi tələb olunacaq. Bundan sonra preparatın Böyük Britaniyanın Milli Səhiyyə Xidmətində istifadəyə verilməsi üçün əlavə təsdiq prosesindən keçməsi lazım gələcək.