XİN rəhbərləri nəyi müzakirə etdilər? - Baku TV

Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas və İranın xarici işlər naziri Abbas Əraqçi arasında telefon danışığı olub.

Tərəflər ABŞ və İsrailin İrana qarşı hərbi əməliyyatı nəticəsində regionda hadisələrin inkişafını, eləcə də onun region və bütün dünya üçün nəticələrini müzakirə ediblər.

Bu barədə "Tasnim" agentliyi məluymat yayıb.

"İranın xarici işlər naziri ABŞ və İsrailin xəstəxanalara, məktəblərə, infrastruktura və yaşayış binalarına endirdiyi zərbələrdən danışıb, bütün dövlətlərin bu cinayətləri pisləmək məsuliyyətini xatırladıb və vurğulayıb ki, İran öz ərazi bütövlüyünü və milli suverenliyini bütün mövcud qüvvələri ilə qorumaq niyyətindədir", – deyə məlumatda bildirilib.

Əraqçi bəzi Avropa ölkələrinin və Avropa İttifaqının yüksəkvəzifəli rəsmilərinin İrana qarşı hərbi əməliyyata dair ikili yanaşmasını kəskin tənqid edib, ABŞ və İsrail tərəfindən qanunun açıq şəkildə pozulmasına göstərilən hər hansı dəstəyin və ya buna göz yummağın onların hərəkətlərinə şərik olmağa bərabər olacağını qeyd edib.